“Të priftë e mbara Shqipëri”, Haradinaj uron për hapjen e kapitujve të negociatave me BE-në

20:44 | 17 Nëntor 2025
E.G

Kryetari i Aleancës për Ardhmërinë e Kosovës (AAK), Ramush Haradinaj, e ka uruar Shqipërinë hapjen e pesë kapitujve të fundit të negociatave me Bashkimin Evropian.

Haradinaj tha se Shqipëria po bën hapa të mëdhenj në politikën e saj të jashtme, duke hapur kështu edhe grupkapitujt e fundit të negociatave për anëtarësim në BE.

Postimi i plotë:

Shqipëria po bën hapa të mëdhenj në politikën e saj të jashtme, duke hapur kështu edhe grupkapitujt e fundit të negociatave për anëtarësim në BE.

Është kënaqësi e madhe të shohim shtetin amë të bëhet faktor kyç në rajon, duke treguar vendosmëri dhe vizion për integrim.

Besoj fuqishëm se do të jenë zë edhe për ne, në rrugëtimin tonë drejt integrimit euro-atlantik.Të priftë e mbara tutje, Shqipëri!/Arbresh.info